main wahm hun ki haqiqat ye haal dekhne ko
maiñ vahm huuñ ki haqīqat ye haal dekhne ko
giraft hotā huuñ apnā visāl dekhne ko
charāġh kartā huuñ apnā har ek azv-e-badan
taras gayā huuñ ġham-e-lā-zavāl dekhne ko
ye aadmī haiñ ki patthar javāb dete nahīñ
chale haiñ koh-e-nidā se savāl dekhne ko
na sher haiñ na satā.ish ajab zamāna hai
kahīñ pe miltā nahīñ ab kamāl dekhne ko
maiñ 'tūr' āḳhirī saa.at kā ek manzar huuñ
vo aa rahā hai mujhe be-misāl dekhne ko
main wahm hun ki haqiqat ye haal dekhne ko
giraft hota hun apna visal dekhne ko
charagh karta hun apna har ek azw-e-badan
taras gaya hun gham-e-la-zawal dekhne ko
ye aadmi hain ki patthar jawab dete nahin
chale hain koh-e-nida se sawal dekhne ko
na sher hain na sataish ajab zamana hai
kahin pe milta nahin ab kamal dekhne ko
main 'tur' aaKHiri saat ka ek manzar hun
wo aa raha hai mujhe be-misal dekhne ko
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
