mehnat se mil gaya jo safine ke bich tha

mehnat se mil gayā jo safīne ke biich thā

dariyā-e-itr mere pasīne ke biich thā

āzād ho gayā huuñ zamān-o-makān se

maiñ ik ġhulām thā jo madīne ke biich thā

asl-e-suḳhan meñ naam ko pechīdgī na thī

ib.hām jis qadar thā qarīne ke biich thā

jo mere ham-sinoñ se baḌā kar gayā mujhe

ehsās kā vo din bhī mahīne ke biich thā

kam-zarfiyoñ ne zarf ko mazrūf kar diyā

jis dard meñ ghirā huuñ vo siine ke biich thā

haiñ mār-e-gañj maar ke bhī sab Dase hue

taqsīm kā vo zahr ḳhazīne ke biich thā

tūfān-e-bahr ḳhaak Darātā mujhe 'turāb'

is se baḌā bhañvar to safīne ke biich thā

mehnat se mil gaya jo safine ke bich tha

dariya-e-itr mere pasine ke bich tha

aazad ho gaya hun zaman-o-makan se

main ek ghulam tha jo madine ke bich tha

asl-e-suKHan mein nam ko pechidgi na thi

ibham jis qadar tha qarine ke bich tha

jo mere ham-sinon se baDa kar gaya mujhe

ehsas ka wo din bhi mahine ke bich tha

kam-zarfiyon ne zarf ko mazruf kar diya

jis dard mein ghira hun wo sine ke bich tha

hain mar-e-ganj mar ke bhi sab Dase hue

taqsim ka wo zahr KHazine ke bich tha

tufan-e-bahr KHak Daraata mujhe 'turab'

is se baDa bhanwar to safine ke bich tha