mera dil-e-nashad jo nashad rahega

merā dil-e-nāshād jo nāshād rahegā

aalam dil-e-barbād kā barbād rahegā

tā-der jo hañgāma-e-fariyād rahegā

shak hai ki kahīñ ālam-e-ījād rahegā

pābandi-e-aqdār meñ āzād rahegā

lekin ye tirā jaur-o-sitam yaad rahegā

dil apne hī hāthoñ se jo barbād rahegā

afsāna-e-nākāmi-e-fariyād rahegā

dil sust to lab tishna-e-fariyād rahegā

ab farhat-e-nāshād to nāshād rahegā

dil mahv-e-chaman hai to nigāhoñ meñ chaman hai

pāband-e-qafas ho ke bhī āzād rahegā

ġhairoñ kā karam raas na aa.egā na aayā

aalam dil-e-barbād kā barbād rahegā

'farhat' tire naġhmoñ kī vo shohrat hai jahāñ meñ

vallāh tirā rañg-e-suḳhan yaad rahegā

mera dil-e-nashad jo nashad rahega

aalam dil-e-barbaad ka barbaad rahega

ta-der jo hangama-e-fariyaad rahega

shak hai ki kahin aalam-e-ijad rahega

pabandi-e-aqdar mein aazad rahega

lekin ye tera jaur-o-sitam yaad rahega

dil apne hi hathon se jo barbaad rahega

afsana-e-nakaami-e-fariyaad rahega

dil sust to lab tishna-e-fariyaad rahega

ab farhat-e-nashad to nashad rahega

dil mahw-e-chaman hai to nigahon mein chaman hai

paband-e-qafas ho ke bhi aazad rahega

ghairon ka karam ras na aaega na aaya

aalam dil-e-barbaad ka barbaad rahega

'farhat' tere naghmon ki wo shohrat hai jahan mein

wallah tera rang-e-suKHan yaad rahega