aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

meri manind KHud-nigar tanha

Majeed Amjad

meri manind KHud-nigar tanha

Majeed Amjad

MORE BYMajeed Amjad

    merī mānind ḳhud-nigar tanhā

    ye surāhī meñ phuul nargis

    itnī sham.eñ thiiñ terī yādoñ

    apnā saaya bhī apnā saaya na thā

    mere nazdīk terī duurī thī

    koī manzil thī koī 'ālam thā

    haa.e vo zindagī-fareb āñkheñ

    ne kyā sochā maiñ ne kyā samjhā

    sub.h dhuup hai ki rastoñ par

    munjamid bijliyoñ ik dariyā

    ghuñgrūoñ jhanak-manak meñ basī

    terī āhaT! maiñ kis ḳhayāl meñ thā

    phir kahīñ dil ke burj par koī 'aks

    fāsloñ fasīl se ubhrā

    phuul murjhā na jaa.eñ bajroñ meñ

    māñjhiyo koī giit sāhil

    vaqt sarhadeñ simaT jātīñ

    terī duurī se kuchh ba.iid na thā

    'umr jaltī hai baḳht jalvoñ ke

    ziist miTtī hai bhaag miTTī

    raheñ dardoñ chaukiyāñ chaukas

    phuul lohe baaḌ par bhī khilā

    jo ḳhud un ke diloñ meñ thā tah-e-sang

    vo ḳhazāna kisī kisī ko milā

    laakh qadreñ thiiñ zindagānī

    ye muhīt ik 'ajīb zāviya thā

    hai jo ye sar pe gyaan gaThrī

    khol kar bhī ise kabhī dekhā

    roz jhuktā hai kū-e-dil taraf

    kāḳh-e-sad-bām koī ziinā

    meri manind KHud-nigar tanha

    ye surahi mein phul nargis ka

    itni shamen thin teri yaadon ki

    apna saya bhi apna saya na tha

    mere nazdik teri duri thi

    koi manzil thi koi 'alam tha

    hae wo zindagi-fareb aankhen

    tu ne kya socha main ne kya samjha

    subh ki dhup hai ki raston par

    munjamid bijliyon ka ek dariya

    ghungruon ki jhanak-manak mein basi

    teri aahaT! main kis KHayal mein tha

    phir kahin dil ke burj par koi 'aks

    faslon ki fasil se ubhra

    phul murjha na jaen bajron mein

    manjhiyo koi git sahil ka

    waqt ki sarhaden simaT jatin

    teri duri se kuchh baid na tha

    'umr jalti hai baKHt jalwon ke

    zist miTti hai bhag miTTi ka

    rahen dardon ki chaukiyan chaukas

    phul lohe ki baD par bhi khila

    jo KHud un ke dilon mein tha tah-e-sang

    wo KHazana kisi kisi ko mila

    lakh qadren thin zindagani ki

    ye muhit ek 'ajib zawiya tha

    hai jo ye sar pe gyan ki gaThri

    khol kar bhi ise kabhi dekha

    roz jhukta hai ku-e-dil ki taraf

    kaKH-e-sad-baam ka koi zina

    Source:

    Funoon(Jadeed Ghazal Number: Volume-002) (Pg. 162)

      • Edition: 1969
      • Publisher: Ahmad Nadeem Qasmi
      • Year of Publication: 1969
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now