mila hai taKHt kise kaun taKHt par na raha

milā hai taḳht kise kaun taḳht par na rahā

ye baat aur hai jaarī thā jo safar na rahā

shab-e-siyāh meñ bhī jo thā raushnī kā safīr

kinār-e-bām se vo jhāñktā qamar na rahā

lagī thiiñ jis pe nigāheñ na jaane kis kis kī

marīz par vahī tāvīz kār-gar na rahā

yaqīñ thā jo bhī vo ab gard-e-ishtibāh meñ hai

ye kyā huā ki koī shaḳhs mo'tabar na rahā

baḌe-baḌoñ pe bhī 'mājid' ba-nām-e-arz-e-vatan

jo e'timād thā al-qissa muḳhtasar na rahā

mila hai taKHt kise kaun taKHt par na raha

ye baat aur hai jari tha jo safar na raha

shab-e-siyah mein bhi jo tha raushni ka safir

kinar-e-baam se wo jhankta qamar na raha

lagi thin jis pe nigahen na jaane kis kis ki

mariz par wahi tawiz kar-gar na raha

yaqin tha jo bhi wo ab gard-e-ishtibah mein hai

ye kya hua ki koi shaKHs mo'tabar na raha

baDe-baDon pe bhi 'majid' ba-nam-e-arz-e-watan

jo e'timad tha al-qissa muKHtasar na raha