mera uske pas-e-diwar ghar hota to kya hota

Ghamgeen Dehlvi

mera uske pas-e-diwar ghar hota to kya hota

Ghamgeen Dehlvi

MORE BYGhamgeen Dehlvi

    mirā us ke pas-e-dīvār ghar hotā to kyā hotā

    qazā se ai falak gar is qadar hotā to kyā hotā

    janāze par mire us shoḳh ko laayā hai āḳhir

    agar ai ishq kuchh tujh meñ asar hotā to kyā hotā

    huā behosh bilkul aah us aamad aamad meñ

    gar aane se maiñ us ke bā-ḳhabar hotā to kyā hotā

    isī aalam meñ haiñ ye lutf ai dil ishq-bāzī ke

    agar bāġh-e-jināñ meñ bul-bashar hotā to kyā hotā

    tajallī to huī muusā ko par merī tarah vaa.iz

    hamesha jalva-gar har ik shajar hotā to kyā hotā

    hunar-mandoñ ko tere haath se hai zindagī mushkil

    jo tujh meñ bhī koī ai dil hunar hotā to kyā hotā

    kiyā badnām ik aalam ne 'ġhamgīñ' pāk-bāzī meñ

    jo maiñ terī tarah se bad-nazar hotā to kyā hotā

    mera us ke pas-e-diwar ghar hota to kya hota

    qaza se ai falak gar is qadar hota to kya hota

    janaze par mere us shoKH ko laya hai tu aaKHir

    agar ai ishq kuchh tujh mein asar hota to kya hota

    hua behosh bilkul aah us ki aamad aamad mein

    gar aane se main us ke ba-KHabar hota to kya hota

    isi aalam mein hain ye lutf ai dil ishq-bazi ke

    agar bagh-e-jinan mein bul-bashar hota to kya hota

    tajalli to hui musa ko par meri tarah waiz

    hamesha jalwa-gar har ek shajar hota to kya hota

    hunar-mandon ko tere hath se hai zindagi mushkil

    jo tujh mein bhi koi ai dil hunar hota to kya hota

    kiya badnam ek aalam ne 'ghamgin' pak-bazi mein

    jo main teri tarah se bad-nazar hota to kya hota

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY