mere KHuda mujhe wo tab-e-nai-nawai de

Obaidullah Aleem

mere KHuda mujhe wo tab-e-nai-nawai de

Obaidullah Aleem

MORE BYObaidullah Aleem

    mire ḳhudā mujhe vo tāb-e-nai-navā.ī de

    maiñ chup rahūñ bhī to naġhma mirā sunā.ī de

    gadā-e-kū-e-suḳhan aur tujh se kyā māñge

    yahī ki mamlikat-e-sher ḳhudā.ī de

    nigāh-e-dahr meñ ahl-e-kamāl ham bhī hoñ

    jo likh rahe haiñ vo duniyā agar dikhā.ī de

    chhalak na jā.ūñ kahīñ maiñ vajūd se apne

    hunar diyā hai to phir zarf-e-kibriyā.ī de

    mujhe kamāl-e-suḳhan se navāzne vaale

    samā.atoñ ko bhī ab zauq-e-āshnā.ī de

    numū-pazīr hai ye shola-e-navā to ise

    har aane vaale zamāne peshvā.ī de

    koī kare to kahāñ tak kare masīhā.ī

    ki ek zaḳhm bhare dūsrā duhā.ī de

    maiñ ek se kisī mausam meñ rah nahīñ saktā

    kabhī visāl kabhī hijr se rihā.ī de

    jo ek ḳhvāb nashsha ho kam to āñkhoñ ko

    hazār ḳhvāb de aur jur.at-e-rasā.ī de

    mere KHuda mujhe wo tab-e-nai-nawai de

    main chup rahun bhi to naghma mera sunai de

    gada-e-ku-e-suKHan aur tujh se kya mange

    yahi ki mamlikat-e-sher ki KHudai de

    nigah-e-dahr mein ahl-e-kamal hum bhi hon

    jo likh rahe hain wo duniya agar dikhai de

    chhalak na jaun kahin main wajud se apne

    hunar diya hai to phir zarf-e-kibriyai de

    mujhe kamal-e-suKHan se nawazne wale

    samaaton ko bhi ab zauq-e-ashnai de

    numu-pazir hai ye shola-e-nawa to ise

    har aane wale zamane ki peshwai de

    koi kare to kahan tak kare masihai

    ki ek zaKHm bhare dusra duhai de

    main ek se kisi mausam mein rah nahin sakta

    kabhi visal kabhi hijr se rihai de

    jo ek KHwab ka nashsha ho kam to aankhon ko

    hazar KHwab de aur jurat-e-rasai de

    Videos
    This video is playing from YouTube

    Videos
    This video is playing from YouTube

    Obaidullah Aleem

    Obaidullah Aleem

    Obaidullah Aleem

    Obaidullah Aleem

    RECITATIONS

    Obaidullah Aleem

    Obaidullah Aleem

    Obaidullah Aleem

    mere KHuda mujhe wo tab-e-nai-nawai de Obaidullah Aleem

    Source:

    • Book : Chand Chehra Sitara Aankhen (Pg. 17)
    • Author : obaidullah aliim
    • Publication : Al-Ibas Printers (2012)
    • Edition : 2012
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY