mere safar ki haden KHatm ab kahan hongi

Sajjad Baqar Rizvi

mere safar ki haden KHatm ab kahan hongi

Sajjad Baqar Rizvi

MORE BYSajjad Baqar Rizvi

    mire safar hadeñ ḳhatm ab kahāñ hoñgī

    ki manzileñ bhī to āḳhir ravāñ davāñ hoñgī

    ye fāsle jo abhī tai hue haiñ kahte haiñ

    ye qurbateñ tire ehsās par girāñ hoñgī

    jo din ko rañg lageñ aur shab ko phuul baneñ

    vo sūrateñ kahīñ hoñgī magar kahāñ hoñgī

    vo haath ruuTh ga.e aur vo saath chhūT ga.e

    kise ḳhabar thī ki itnī judā.iyāñ hoñgī

    sunā to thā magar is ramz ko samajhte na the

    ki terī ḳhush-nigahī meñ bhī talḳhiyāñ hoñgī

    talāsh thī gohr-e-dard na jānte the

    ki bahr-e-dil meñ vo gahrā.iyāñ kahāñ hoñgī

    vo aaj anjuman-e-ām ban ke jāgeñ haiñ

    vo ḳhalvateñ jo kabhī terī rāz-dāñ hoñgī

    hamāre dam se hai raushan dayār-e-fikr-o-suḳhan

    hamāre baad ye galiyāñ dhuāñ dhuāñ hoñgī

    ye ahd vo hai ki merī vafā ke qissoñ meñ

    tirī jafā hikāyāt bhī bayāñ hoñgī

    chale chalo ki dayār-e-ḳhirad ke us jānib

    sukūñ chhāñv meñ ḳhvāboñ bastiyāñ hoñgī

    rāh-e-shauq meñ tanhā nahīñ Thahar 'bāqar'

    ki tere saath abhī jag-hañsā.iyāñ hoñgī

    mere safar ki haden KHatm ab kahan hongi

    ki manzilen bhi to aaKHir rawan dawan hongi

    ye fasle jo abhi tai hue hain kahte hain

    ye qurbaten tere ehsas par giran hongi

    jo din ko rang lagen aur shab ko phul banen

    wo suraten kahin hongi magar kahan hongi

    wo hath ruTh gae aur wo sath chhuT gae

    kise KHabar thi ki itni judaiyan hongi

    suna to tha magar is ramz ko samajhte na the

    ki teri KHush-nigahi mein bhi talKHiyan hongi

    talash thi gohr-e-dard ki na jaante the

    ki bahr-e-dil mein wo gahraiyan kahan hongi

    wo aaj anjuman-e-am ban ke jagen hain

    wo KHalwaten jo kabhi teri raaz-dan hongi

    hamare dam se hai raushan dayar-e-fikr-o-suKHan

    hamare baad ye galiyan dhuan dhuan hongi

    ye ahd wo hai ki meri wafa ke qisson mein

    teri jafa ki hikayat bhi bayan hongi

    chale chalo ki dayar-e-KHirad ke us jaanib

    sukun ki chhanw mein KHwabon ki bastiyan hongi

    tu rah-e-shauq mein tanha nahin Thahar 'baqar'

    ki tere sath abhi jag-hansaiyan hongi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY