mere suluk ki qimat yahin ada kar de
mire sulūk kī qīmat yahīñ adā kar de
mujhe gunāh kī lazzat se āshnā kar de
ubuur kar na sakā be-hisī kī chaTTāneñ
mire zamīr ko mardāngī atā kar de
maiñ maslahat ke taqāzoñ ko kar sakūñ puurā
mirī anā ko mire peT se judā kar de
tamām ḳhvāhisheñ merī libās noch chukīñ
tū ab lahū kā maze-dār zā.iqa kar de
maiñ jazb o bast kī manzil meñ qaid huuñ kab se
mire ḳhudā tū farārī kā rāsta kar de
mere suluk ki qimat yahin ada kar de
mujhe gunah ki lazzat se aashna kar de
ubur kar na saka be-hisi ki chaTTanen
mere zamir ko mardangi ata kar de
main maslahat ke taqazon ko kar sakun pura
meri ana ko mere peT se juda kar de
tamam KHwahishen meri libas noch chukin
tu ab lahu ka maze-dar zaiqa kar de
main jazb o bast ki manzil mein qaid hun kab se
mere KHuda tu farari ka rasta kar de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
