meri ghazal mein thin uski nazakaten sari
mirī ġhazal meñ thiiñ us kī nazākateñ saarī
usī ke rū-e-hasīñ kī sabāhateñ saarī
vo boltā thā to har ik thā gosh-bar-āvāz
vo chup huā to haiñ bahrī samā.ateñ saarī
vo kyā gayā ki har ik shaḳhs rah gayā tanhā
usī ke dam se thiiñ bāham rifāqateñ saarī
Dubo gayā vo mirā lafz lafz dariyā meñ
vo ġharq kar gayā merī alāmateñ saarī
vo ek lamha sar-e-dār jo chamak uTThā
us ek lamhe pe qurbān sā.ateñ saarī
jahāñ pe dafn hai us ke badan kā tāj-mahal
udhar darīche rakheñgī imārateñ saarī
meri ghazal mein thin us ki nazakaten sari
usi ke ru-e-hasin ki sabahaten sari
wo bolta tha to har ek tha gosh-bar-awaz
wo chup hua to hain bahri samaaten sari
wo kya gaya ki har ek shaKHs rah gaya tanha
usi ke dam se thin baham rifaqaten sari
Dubo gaya wo mera lafz lafz dariya mein
wo gharq kar gaya meri alamaten sari
wo ek lamha sar-e-dar jo chamak uTTha
us ek lamhe pe qurban saaten sari
jahan pe dafn hai us ke badan ka taj-mahal
udhar dariche rakhengi imaraten sari
- Book : Pakistani Adab (Pg. 691)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
