mujhse uncha tera qad hai, had hai

mujh se ūñchā tirā qad hai, had hai

phir bhī siine meñ hasad hai? had hai

mere to lafz bhī kauḌī ke nahīñ

terā nuqta bhī sanad hai, had hai

terī har baat hai sar āñkhoñ par

merī har baat hī rad hai, had hai

'ishq merī hī tamannā to nahīñ

terī niyyat bhī to bad hai, had hai

zindagī ko hai zarūrat merī

aur zarūrat bhī ashad hai, had hai

be-tahāsha haiñ sitāre lekin

chāñd bas ek 'adad hai, had hai

ashk āñkhoñ se ye kah kar niklā

ye tire zabt kī had hai? had hai

rok sakte ho to roko 'jāzil'

ye jo sāñsoñ kī rasad hai, had hai

mujh se uncha tera qad hai, had hai

phir bhi sine mein hasad hai? had hai

mere to lafz bhi kauDi ke nahin

tera nuqta bhi sanad hai, had hai

teri har baat hai sar aankhon par

meri har baat hi rad hai, had hai

'ishq meri hi tamanna to nahin

teri niyyat bhi to bad hai, had hai

zindagi ko hai zarurat meri

aur zarurat bhi ashad hai, had hai

be-tahasha hain sitare lekin

chand bas ek 'adad hai, had hai

ashk aankhon se ye kah kar nikla

ye tere zabt ki had hai? had hai

rok sakte ho to roko 'jazil'

ye jo sanson ki rasad hai, had hai