muKHtasar si zindagi mein kitni nadani kare
muḳhtasar sī zindagī meñ kitnī nādānī kare
in nazāroñ ko koī dekhe ki hairānī kare
dhuup meñ in ābgīnoñ ko liye phirtā huuñ maiñ
koī saaya mere ḳhvāboñ kī nigahbānī kare
ek maiñ huuñ aur dastak kitne darvāzoñ pe duuñ
kitnī dahlīzoñ pe sajda ek peshānī kare
raat aisī chāhiye māñge jo din bhar kā hisāb
ḳhvāb aisā ho jo in āñkhoñ meñ vīrānī kare
sāhiloñ par maiñ khaḌā huuñ tishna-kāmoñ kī tarah
koī mauj-e-āb merī aañkh ko paanī kare
muKHtasar si zindagi mein kitni nadani kare
in nazaron ko koi dekhe ki hairani kare
dhup mein in aabginon ko liye phirta hun main
koi saya mere KHwabon ki nigahbani kare
ek main hun aur dastak kitne darwazon pe dun
kitni dahlizon pe sajda ek peshani kare
raat aisi chahiye mange jo din bhar ka hisab
KHwab aisa ho jo in aankhon mein virani kare
sahilon par main khaDa hun tishna-kaamon ki tarah
koi mauj-e-ab meri aankh ko pani kare
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
