aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

na jaane kab wo palaT aaen dar khula rakhna

Iftikhar Naseem

na jaane kab wo palaT aaen dar khula rakhna

Iftikhar Naseem

MORE BYIftikhar Naseem

    na jaane kab vo palaT aa.eñ dar khulā rakhnā

    ga.e hue ke liye dil meñ kuchh jagah rakhnā

    hazār talḳh hoñ yādeñ magar vo jab bhī mile

    zabāñ pe achchhe dinoñ zā.iqa rakhnā

    na ho ki qurb phir marg-e-rabt ban jaa.e

    vo ab mile to zarā us se fāsla rakhnā

    utaar pheñk de ḳhush-fahmiyoñ ke saare ġhilāf

    jo shaḳhs bhuul gayā us ko yaad kyā rakhnā

    abhī na ilm ho us ko lahū lazzat

    ye raaz us se bahut der tak chhupā rakhnā

    kabhī na laanā masā.il gharoñ ke daftar meñ

    ye donoñ pahlū hamesha judā judā rakhnā

    uḌā diyā hai jise chuum kar havā meñ 'nasīm'

    use hamesha hifāzat meñ ai ḳhudā rakhnā

    na jaane kab wo palaT aaen dar khula rakhna

    gae hue ke liye dil mein kuchh jagah rakhna

    hazar talKH hon yaaden magar wo jab bhi mile

    zaban pe achchhe dinon ka hi zaiqa rakhna

    na ho ki qurb hi phir marg-e-rabt ban jae

    wo ab mile to zara us se fasla rakhna

    utar phenk de KHush-fahmiyon ke sare ghilaf

    jo shaKHs bhul gaya us ko yaad kya rakhna

    abhi na ilm ho us ko lahu ki lazzat ka

    ye raaz us se bahut der tak chhupa rakhna

    kabhi na lana masail gharon ke daftar mein

    ye donon pahlu hamesha juda juda rakhna

    uDa diya hai jise chum kar hawa mein 'nasim'

    use hamesha hifazat mein ai KHuda rakhna

    Source:

    mukhtalif (Pg. 201)

    • Author: iftikhar nasim
      • Edition: 2000
      • Publisher: sang-e-miil publication lahore
      • Year of Publication: 2000
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now