na payam chahte hain na kalam chahte hain

na payām chāhte haiñ na kalām chāhte haiñ

mirī raat ke añdhere tirā naam chāhte haiñ

jo jigar ko ḳhaak kar de jo dimāġh phūñk Daale

mire pyāse hoñT aisā koī jaam chāhte haiñ

vo ho shuġhl-e-bāda-noshī ki tavāf-e-kū-e-jānāñ

ġham-e-zindagī ke maare koī kaam chāhte haiñ

hameñ miT ke bhī ye hasrat ki bhaTakte us galī meñ

vo haiñ kaise log yā rab jo qayām chāhte haiñ

tirī yaad terī aahaT tirā chehrā terā vaada

koī sham.a ho magar ham sar-e-shām chāhte haiñ

ham isī liye haiñ 'arshad' abhī tishna-masarrat

ki jo un laboñ se chhalke vahī jaam chāhte haiñ

na payam chahte hain na kalam chahte hain

meri raat ke andhere tera nam chahte hain

jo jigar ko KHak kar de jo dimagh phunk Dale

mere pyase honT aisa koi jam chahte hain

wo ho shughl-e-baada-noshi ki tawaf-e-ku-e-jaanan

gham-e-zindagi ke mare koi kaam chahte hain

hamein miT ke bhi ye hasrat ki bhaTakte us gali mein

wo hain kaise log ya rab jo qayam chahte hain

teri yaad teri aahaT tera chehra tera wada

koi shama ho magar hum sar-e-sham chahte hain

hum isi liye hain 'arshad' abhi tishna-masarrat

ki jo un labon se chhalke wahi jam chahte hain