na thin to dur kahin dhyan mein paDi hui thin

na thiiñ to duur kahīñ dhyān meñ paḌī huī thiiñ

tamām āyateñ imkān meñ paḌī huī thiiñ

kivāḌ khulne se pahle hī din nikal aayā

bashārateñ abhī sāmān meñ paḌī huī thiiñ

vahīñ shikasta qadamchoñ pe aag raushan thī

vahīñ rivāyateñ anjān meñ paḌī huī thiiñ

ham apne aap se bhī ham-suḳhan na hote the

ki saarī mushkileñ āsān meñ paḌī huī thiiñ

pas-e-charāġh maiñ jo samteñ DhūñDtā rahā 'turk'

vo ek lafz ke daurān meñ paḌī huī thiiñ

na thin to dur kahin dhyan mein paDi hui thin

tamam aayaten imkan mein paDi hui thin

kiwaD khulne se pahle hi din nikal aaya

bashaaraten abhi saman mein paDi hui thin

wahin shikasta qadamchon pe aag raushan thi

wahin riwayaten anjaan mein paDi hui thin

hum apne aap se bhi ham-suKHan na hote the

ki sari mushkilen aasan mein paDi hui thin

pas-e-charagh main jo samten DhunDta raha 'turk'

wo ek lafz ke dauran mein paDi hui thin