nakaami-e-qismat ka gila chhoD diya hai

nākāmi-e-qismat kā gila chhoḌ diyā hai

tadbīr se taqdīr kā ruḳh moḌ diyā hai

vo jurm bhī ik azmat-e-kirdār hai jis ne

TuuTā huā ik rishta-e-dil joḌ diyā hai

dil Duub chalā āḳhir-e-shab ḳhushk haiñ āñkheñ

aa jā ki sitāroñ ne bhī dam toḌ diyā hai

bahte hue dekhe haiñ udhar vaqt ke dhāre

ruḳh ham ne irādoñ kā jidhar moḌ diyā hai

fankār kā ehsās-e-ziyā-bār thā jis meñ

hālāt ne vo shīsh-mahal toḌ diyā hai

andāz-e-ġhazal aap kā kyā ḳhuub hai 'razmī'

mahsūs ye hotā hai qalam toḌ diyā hai

nakaami-e-qismat ka gila chhoD diya hai

tadbir se taqdir ka ruKH moD diya hai

wo jurm bhi ek azmat-e-kirdar hai jis ne

TuTa hua ek rishta-e-dil joD diya hai

dil Dub chala aaKHir-e-shab KHushk hain aankhen

aa ja ki sitaron ne bhi dam toD diya hai

bahte hue dekhe hain udhar waqt ke dhaare

ruKH hum ne iradon ka jidhar moD diya hai

fankar ka ehsas-e-ziya-bar tha jis mein

haalat ne wo shish-mahal toD diya hai

andaz-e-ghazal aap ka kya KHub hai 'razmi'

mahsus ye hota hai qalam toD diya hai