nalon se mere kab tah-o-baala jahan nahin

nāloñ se mere kab tah-o-bālā jahāñ nahīñ

kab āsmāñ zamīn o zamīñ āsmāñ nahīñ

āñkhoñ se dekh kar tujhe sab mānñā paḌā

kahte the jo hamesha chunīñ hai chunāñ nahīñ

us bazm meñ nahīñ koī āgāh-e-dard kab

vaañ ḳhanda zer-e-lab idhar ashk-e-nihāñ nahīñ

afsurda-dil na ho dar-e-rahmat nahīñ hai band

kis din khulā huā dar-e-pīr-e-muġhāñ nahīñ

lab band hoñ to rauzan-e-sīna ko kyā karūñ

thamtā to mujh se nāla-e-ātish-ināñ nahīñ

milnā tirā ye ġhair se ho bahr-e-maslahat

ham ko to sādgī se tirī ye gumāñ nahīñ

ai dil tamām naf.a hai saudā-e-ishq meñ

ik jaan kā ziyāñ hai so aisā ziyāñ nahīñ

be-vaqt aa.e dair meñ kyā shorisheñ kareñ

ham piir o pīr-e-mai-kada bhī naujavāñ nahīñ

kaTtī kisī tarah se nahīñ ye shab-e-firāq

shāyad ki gardish aaj tujhe āsmāñ nahīñ

'āzurdā' hoñT tak na hile us ke rū-ba-rū

maanā ki aap sā koī jādū-bayāñ nahīñ

nalon se mere kab tah-o-baala jahan nahin

kab aasman zamin o zamin aasman nahin

aankhon se dekh kar tujhe sab manna paDa

kahte the jo hamesha chunin hai chunan nahin

us bazm mein nahin koi aagah-e-dard kab

wan KHanda zer-e-lab idhar ashk-e-nihan nahin

afsurda-dil na ho dar-e-rahmat nahin hai band

kis din khula hua dar-e-pir-e-mughan nahin

lab band hon to rauzan-e-sina ko kya karun

thamta to mujh se nala-e-atish-inan nahin

milna tera ye ghair se ho bahr-e-maslahat

hum ko to sadgi se teri ye guman nahin

ai dil tamam nafa hai sauda-e-ishq mein

ek jaan ka ziyan hai so aisa ziyan nahin

be-waqt aae dair mein kya shorishen karen

hum pir o pir-e-mai-kada bhi naujawan nahin

kaTti kisi tarah se nahin ye shab-e-firaq

shayad ki gardish aaj tujhe aasman nahin

'azurda' honT tak na hile us ke ru-ba-ru

mana ki aap sa koi jadu-bayan nahin