aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

نہیں عشق میں اس کا تو رنج ہمیں کہ قرار و شکیب ذرا نہ رہا

بہادر شاہ ظفر

نہیں عشق میں اس کا تو رنج ہمیں کہ قرار و شکیب ذرا نہ رہا

بہادر شاہ ظفر

MORE BYبہادر شاہ ظفر

    نہیں عشق میں اس کا تو رنج ہمیں کہ قرار و شکیب ذرا نہ رہا

    غم عشق تو اپنا رفیق رہا کوئی اور بلا سے رہا نہ رہا

    دیا اپنی خودی کو جو ہم نے اٹھا وہ جو پردہ سا بیچ میں تھا نہ رہا

    رہے پردے میں اب نہ وہ پردہ نشیں کوئی دوسرا اس کے سوا نہ رہا

    نہ تھی حال کی جب ہمیں خبر رہے دیکھتے اوروں کے عیب و ہنر

    پڑی اپنی برائیوں پر جو نظر تو نگاہ میں کوئی برا نہ رہا

    ترے رخ کے خیال میں کون سے دن اٹھے مجھ پہ نہ فتنۂ روز جزا

    تری زلف کے دھیان میں کون سی شب مرے سر پہ ہجوم بلا نہ رہا

    ہمیں ساغر بادہ کے دینے میں اب کرے دیر جو ساقی تو ہائے غضب

    کہ یہ عہد نشاط یہ دور طرب نہ رہے گا جہاں میں سدا نہ رہا

    کئی روز میں آج وہ مہر لقا ہوا میرے جو سامنے جلوہ نما

    مجھے صبر و قرار ذرا نہ رہا اسے پاس حجاب و حیا نہ رہا

    ترے خنجر و تیغ کی آب رواں ہوئی جب کہ سبیل ستم زدگاں

    گئے کتنے ہی قافلے خشک زباں کوئی تشنۂ آب بقا نہ رہا

    مجھے صاف بتائے نگار اگر تو یہ پوچھوں میں رو رو کے خون جگر

    ملے پاؤں سے کس کے ہیں دیدۂ تر کف پا پہ جو رنگ حنا نہ رہا

    اسے چاہا تھا میں نے کہ روک رکھوں مری جان بھی جائے تو جانے نہ دوں

    کئے لاکھ فریب کروڑ فسوں نہ رہا نہ رہا نہ رہا نہ رہا

    لگے یوں تو ہزاروں ہی تیر ستم کہ تڑپتے رہے پڑے خاک پہ ہم

    ولے ناز و کرشمہ کی تیغ دو دم لگی ایسی کہ تسمہ لگا نہ رہا

    ظفرؔ آدمی اس کو نہ جانئے گا وہ ہو کیسا ہی صاحب فہم و ذکا

    جسے عیش میں یاد خدا نہ رہی جسے طیش میں خوف خدا نہ رہا

    ویڈیو
    This video is playing from YouTube

    Videos
    This video is playing from YouTube

    حبیب ولی محمد

    حبیب ولی محمد

    RECITATIONS

    نعمان شوق

    نعمان شوق,

    نعمان شوق

    نہیں عشق میں اس کا تو رنج ہمیں کہ قرار و شکیب ذرا نہ رہا نعمان شوق

    مأخذ:

    دیوان ظفر (Pg. 17)

    • مصنف: بہادر شاہ ظفر
      • ناشر: مشورہ بک ڈپو، دہلی

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے