navāh-e-jāñ meñ kisī ke utarnā chāhā thā
ye jurm maiñ ne bas ik baar karnā chāhā thā
jo but banā.ūñgā terā to haath hoñge qalam
ye jānte hue jurmāna bharnā chāhā thā
baġhair us ke bhī ab dekhiye maiñ zinda huuñ
vo jis ke saath kabhī maiñ ne marnā chāhā thā
shab-e-firāq ajal kī thī aarzū mujh ko
ye roz roz to maiñ ne na marnā chāhā thā
kashīd itr kiyā jā rahā hai ab mujh se
ki mushk ban ke fazā meñ bikharnā chāhā thā
us ek baat pe nārāz haiñ sabhī sūraj
ki maiñ ne un sā ufuq par ubharnā chāhā thā
lagā rahā hai jo sharteñ mirī uḌānoñ par
mire paroñ ko usī ne katarnā chāhā thā
usī taraf hai zamāna bhī aaj mahv-e-safar
'farāġh' maiñ ne jidhar se guzarnā chāhā thā
nawah-e-jaan mein kisi ke utarna chaha tha
ye jurm main ne bas ek bar karna chaha tha
jo but banaunga tera to hath honge qalam
ye jaante hue jurmana bharna chaha tha
baghair us ke bhi ab dekhiye main zinda hun
wo jis ke sath kabhi main ne marna chaha tha
shab-e-firaq ajal ki thi aarzu mujh ko
ye roz roz to main ne na marna chaha tha
kashid itr kiya ja raha hai ab mujh se
ki mushk ban ke faza mein bikharna chaha tha
us ek baat pe naraaz hain sabhi suraj
ki main ne un sa ufuq par ubharna chaha tha
laga raha hai jo sharten meri uDanon par
mere paron ko usi ne katarna chaha tha
usi taraf hai zamana bhi aaj mahw-e-safar
'faragh' main ne jidhar se guzarna chaha tha
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.