nazar nazar se mila kar kalam kar aaya

nazar nazar se milā kar kalām kar aayā

ġhulām shaah kī nīñdeñ harām kar aayā

ka.ī charāġh havā ke asar meñ aa.e the

maiñ ek jugnū ko un kā imaam kar aayā

ye kis kī pyaas ke chhīñTe paḌe haiñ paanī par

ye kaun jabr kā qissa tamām kar aayā

utartī shaam ke saa.e bahut malūl se the

so ek shab maiñ vahāñ bhī qayām kar aayā

ye aur baat mire paañv kaT ga.e lekin

maiñ shāhrāh ko ik rāh-e-ām kar aayā

karūñ kalām kisī aur se maiñ kyā 'tāriq'

ki apne lafz to sab us ke naam kar aayā

nazar nazar se mila kar kalam kar aaya

ghulam shah ki ninden haram kar aaya

kai charagh hawa ke asar mein aae the

main ek jugnu ko un ka imam kar aaya

ye kis ki pyas ke chhinTe paDe hain pani par

ye kaun jabr ka qissa tamam kar aaya

utarti sham ke sae bahut malul se the

so ek shab main wahan bhi qayam kar aaya

ye aur baat mere panw kaT gae lekin

main shahrah ko ek rah-e-am kar aaya

karun kalam kisi aur se main kya 'tariq'

ki apne lafz to sab us ke nam kar aaya