nikal ke ghar se aur maidan mein aa ke
nikal ke ghar se aur maidāñ meñ aa ke
zarā kuchh dekhiye tevar havā ke
koī zinda rahā hai kab jahāñ meñ
charāġh-e-dil ko apne ḳhud bujhā ke
hamārī ḳhāmushī bhī ik navā thī
mile kab sunñe vaale haiñ navā ke
pashīmāñ ek muddat tak rahā hai
koī dar se mujhe apne uThā ke
ye dil hai dil ise siine meñ hargiz
kabhī rakhnā na tum patthar banā ke
'farāz' aksar rahā kartā hai tanhā
añdhere meñ charāġh-e-dil jalā ke
nikal ke ghar se aur maidan mein aa ke
zara kuchh dekhiye tewar hawa ke
koi zinda raha hai kab jahan mein
charagh-e-dil ko apne KHud bujha ke
hamari KHamushi bhi ek nawa thi
mile kab sunne wale hain nawa ke
pashiman ek muddat tak raha hai
koi dar se mujhe apne uTha ke
ye dil hai dil ise sine mein hargiz
kabhi rakhna na tum patthar bana ke
'faraaz' aksar raha karta hai tanha
andhere mein charagh-e-dil jala ke
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
