parda-e-zehn se saya sa guzar jata hai
parda-e-zehn se saaya sā guzar jaatā hai
jaise pal bhar ko mirā dil bhī Thahar jaatā hai
terī yādoñ ke diye jab bhī jalātā hai ye dil
husn kuchh aur shab-e-ġham kā nikhar jaatā hai
hasrateñ dil kī mujassam nahīñ hone pātīñ
ḳhvāb banñe nahīñ paatā ki bikhar jaatā hai
raat bhīge to ik anjān sā benām sā dard
chāndnī ban ke fazāoñ meñ bikhar jaatā hai
raat kaaTe nahīñ kaTtī hai kisī sūrat se
din to duniyā ke bakheḌoñ meñ guzar jaatā hai
us ko bhī kahte haiñ 'mumtāz' vafā kā naġhma
dil-e-betāb meñ ghuT ghuT ke jo mar jaatā hai
parda-e-zehn se saya sa guzar jata hai
jaise pal bhar ko mera dil bhi Thahar jata hai
teri yaadon ke diye jab bhi jalata hai ye dil
husn kuchh aur shab-e-gham ka nikhar jata hai
hasraten dil ki mujassam nahin hone patin
KHwab banne nahin pata ki bikhar jata hai
raat bhige to ek anjaan sa benam sa dard
chandni ban ke fazaon mein bikhar jata hai
raat kaTe nahin kaTti hai kisi surat se
din to duniya ke bakheDon mein guzar jata hai
us ko bhi kahte hain 'mumtaz' wafa ka naghma
dil-e-betab mein ghuT ghuT ke jo mar jata hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
