peDon se baat-chit zara kar rahe hain hum

Zulfiqar Aadil

peDon se baat-chit zara kar rahe hain hum

Zulfiqar Aadil

MORE BY Zulfiqar Aadil

    peḌoñ se bāt-chīt zarā kar rahe haiñ ham

    nādīda dostoñ patā kar rahe haiñ ham

    dil se guzar rahā hai koī mātamī julūs

    aur is ke rāste ko khulā kar rahe haiñ ham

    ik aise shahr meñ haiñ jahāñ kuchh nahīñ bachā

    lekin ik aise shahr meñ kyā kar rahe haiñ ham

    palkeñ jhapak jhapak ke uḌāte haiñ niiñd ko

    so.e huoñ qarz adā kar rahe haiñ ham

    kab se khaḌe hue haiñ kisī ghar ke sāmne

    kab se ik aur ghar patā kar rahe haiñ ham

    ab tak koī bhī tiir tarāzū nahīñ huā

    tabdīl apne dil jagah kar rahe haiñ ham

    hāthoñ ke irti.āsh meñ bād-e-murād hai

    chaltī haiñ kashtiyāñ ki duā kar rahe haiñ ham

    vāpas palaT rahe haiñ azal talāsh meñ

    mansūḳh aap apnā likhā kar rahe haiñ ham

    'ādil' saje hue haiñ sabhī ḳhvāb ḳhvān par

    aur intizār-e-ḳhalq-e-ḳhudā kar rahe haiñ ham

    peDon se baat-chit zara kar rahe hain hum

    nadida doston ka pata kar rahe hain hum

    dil se guzar raha hai koi matami julus

    aur is ke raste ko khula kar rahe hain hum

    ek aise shahr mein hain jahan kuchh nahin bacha

    lekin ek aise shahr mein kya kar rahe hain hum

    palken jhapak jhapak ke uDate hain nind ko

    soe huon ka qarz ada kar rahe hain hum

    kab se khaDe hue hain kisi ghar ke samne

    kab se ek aur ghar ka pata kar rahe hain hum

    ab tak koi bhi tir taraazu nahin hua

    tabdil apne dil ki jagah kar rahe hain hum

    hathon ke irtiash mein baad-e-murad hai

    chalti hain kashtiyan ki dua kar rahe hain hum

    wapas palaT rahe hain azal ki talash mein

    mansuKH aap apna likha kar rahe hain hum

    'adil' saje hue hain sabhi KHwab KHwan par

    aur intizar-e-KHalq-e-KHuda kar rahe hain hum

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY