phulon se bahaaron mein juda the to hamin the

phūloñ se bahāroñ meñ judā the to hamīñ the

kāñToñ kī chubhan pe bhī fidā the to hamīñ the

bāzār-e-tamannā meñ to har shaḳhs magan thā

har moḌ pe duniyā se ḳhafā the to hamīñ the

jis but ko tasavvur meñ ḳhudā maan liyā thā

us but kī nigāhoñ meñ ḳhudā the to hamīñ the

ahbāb ko hālāt kī sāzish kā gilā thā

har haal meñ rāzī-ba-razā the to hamīñ the

girtī huī dīvār kā saaya thā tirā saath

phir bhī tirī bāhoñ se judā the to hamīñ the

ā.īna-e-ayyām kī rañgīn fazā meñ

ai 'rāz' giraftār-e-balā the to hamīñ the

phulon se bahaaron mein juda the to hamin the

kanTon ki chubhan pe bhi fida the to hamin the

bazar-e-tamanna mein to har shaKHs magan tha

har moD pe duniya se KHafa the to hamin the

jis but ko tasawwur mein KHuda man liya tha

us but ki nigahon mein KHuda the to hamin the

ahbab ko haalat ki sazish ka gila tha

har haal mein raazi-ba-raza the to hamin the

girti hui diwar ka saya tha tera sath

phir bhi teri bahon se juda the to hamin the

aaina-e-ayyam ki rangin faza mein

ai 'raaz' giraftar-e-bala the to hamin the