pichhli rafaqaton ka na itna malal kar

pichhlī rafāqatoñ kā na itnā malāl kar

apnī shikastagī kā bhī thoḌā ḳhayāl kar

Das le kahīñ tumhīñ ko na mauqa.a nikāl kar

rakkho na āstīñ meñ koī saañp paal kar

sharmindagī kā zaḳhm na gahrā lage kahīñ

kuchh is qadar darāz na dast-e-savāl kar

merī tarah na tū bhī ghuTan kā shikār ho

ḳhud apnī ḳhvāhishoñ ko na yuuñ pā.emāl kar

jo aap kī nigāh meñ itnā buland hai

dekhā hai us kā zarf bhī maiñ ne khañgāl kar

lamhoñ kī tund mauj se bachnā muhāl hai

rakhkhoge kaise yaad kī ḳhushbū sambhāl kar

'armāñ' bas ek lazzat-e-iz.hār ke sivā

miltā hai kyā ḳhayāl ko lafzoñ meñ Dhaal kar

pichhli rafaqaton ka na itna malal kar

apni shikastagi ka bhi thoDa KHayal kar

Das le kahin tumhin ko na mauqa nikal kar

rakkho na aastin mein koi sanp pal kar

sharmindagi ka zaKHm na gahra lage kahin

kuchh is qadar daraaz na dast-e-sawal kar

meri tarah na tu bhi ghuTan ka shikar ho

KHud apni KHwahishon ko na yun paemal kar

jo aap ki nigah mein itna buland hai

dekha hai us ka zarf bhi main ne khangal kar

lamhon ki tund mauj se bachna muhaal hai

rakhkhoge kaise yaad ki KHushbu sambhaal kar

'arman' bas ek lazzat-e-izhaar ke siwa

milta hai kya KHayal ko lafzon mein Dhaal kar