piran-e-jubba-o-qaba sara fasad ek hai

pīrān-e-jubba-o-qabā saarā fasād ek hai

sab kā ḳhudā alag sahī sab kā mafād ek hai

chāroñ taraf haiñ maz.habī chāroñ taraf haiñ nafrateñ

sab kī namāz ek hai sab kā jihād ek hai

tab-e-shu.ūr-o-fikr kī zad par rahā hai iḳhtiyār

sadiyoñ se shaiḳh-o-shāh ko ham se inaad ek hai

raushan charāġh ho yā dil tābāñ qalam ho yā ḳhirad

gard-e-shab-e-ḳhayāl se in kā inaad ek hai

dahshat-pasand-gān se vahshat-parast-gān tak

sharh-e-junūn bīsiyoñ lekin murād ek hai

piran-e-jubba-o-qaba sara fasad ek hai

sab ka KHuda alag sahi sab ka mafad ek hai

chaaron taraf hain mazhabi chaaron taraf hain nafraten

sab ki namaz ek hai sab ka jihad ek hai

tab-e-shuur-o-fikr ki zad par raha hai iKHtiyar

sadiyon se shaiKH-o-shah ko hum se inad ek hai

raushan charagh ho ya dil taban qalam ho ya KHirad

gard-e-shab-e-KHayal se in ka inad ek hai

dahshat-pasand-gan se wahshat-parast-gan tak

sharh-e-junun bisiyon lekin murad ek hai