qaid-e-dil se hai meri kakul-e-pechan nazan

qaid-e-dil se hai mirī kākul-e-pechāñ nāzāñ

aur mire qatl se hai ḳhanjar-e-mizhgāñ nāzāñ

hai mirī changul-e-vahshat se garebāñ nāzāñ

aur mirī bārish-e-ashkoñ se hai dāmāñ nāzāñ

kāfir-e-ishq huā jab se maiñ is dahr meñ huuñ

hai mire kufr se ye diin aur īmāñ nāzāñ

zaḳhm khāne se mire faḳhr-kunāñ hai ye dil

ḳhūn-e-dil se haiñ mire dīda-e-giryāñ nāzāñ

sākin-e-ḳhāna-e-zanjīr huā huuñ jab se

misl har halqa-e-zanjīr hai zindāñ nāzāñ

huuñ vo majnūñ ki mire ābla-hā-e-pā se

dasht-e-vahshat meñ hai har ḳhār-e-bayābāñ nāzāñ

mahv-e-ishq-e-shah-e-ḳhādim huuñ maiñ 'āsim' yaksar

husn par jis ke haiñ ye mere dil-o-jāñ nāzāñ

qaid-e-dil se hai meri kakul-e-pechan nazan

aur mere qatl se hai KHanjar-e-mizhgan nazan

hai meri changul-e-wahshat se gareban nazan

aur meri barish-e-ashkon se hai daman nazan

kafir-e-ishq hua jab se main is dahr mein hun

hai mere kufr se ye din aur iman nazan

zaKHm khane se mere faKHr-kunan hai ye dil

KHun-e-dil se hain mere dida-e-giryan nazan

sakin-e-KHana-e-zanjir hua hun jab se

misl har halqa-e-zanjir hai zindan nazan

hun wo majnun ki mere aabla-ha-e-pa se

dasht-e-wahshat mein hai har KHar-e-bayaban nazan

mahw-e-ishq-e-shah-e-KHadim hun main 'asim' yaksar

husn par jis ke hain ye mere dil-o-jaan nazan