aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

qisse se tere meri kahani se ziyaada

Abrar Ahmad

qisse se tere meri kahani se ziyaada

Abrar Ahmad

MORE BYAbrar Ahmad

    qisse se tire merī kahānī se ziyāda

    paanī meñ hai kyā aur bhī paanī se ziyāda

    is ḳhaak meñ pinhāñ hai koī ḳhvāb-e-musalsal

    hai jis meñ kashish ālam-e-fānī se ziyāda

    naḳhl-e-gul-e-hastī ke gul-o-barg ajab haiñ

    uḌte haiñ ye aurāq-e-ḳhizānī se ziyāda

    har ruḳh hai kahīñ apne ḳhad-o-ḳhāl se bāhar

    har lafz hai kuchh apne ma.ānī se ziyāda

    vo husn hai kuchh husn ke āzār se baḌh kar

    vo rañg hai kuchh apnī nishānī se ziyāda

    ham paas se tere kahāñ uTh aa.e haiñ ye dekh

    ab aur ho kyā naql-e-makānī se ziyāda

    is shab meñ ho girya koī tārīkī se gahrā

    ho koī mahak rāt-kī-rānī se ziyāda

    ham kunj-e-tamannā meñ raheñge ki abhī tak

    hai yaad tirī yād-dahānī se ziyāda

    ab aisā zubūñ bhī to nahīñ haal hamārā

    hai zaḳhm ayaañ dard-e-nihānī se ziyāda

    qisse se tere meri kahani se ziyaada

    pani mein hai kya aur bhi pani se ziyaada

    is KHak mein pinhan hai koi KHwab-e-musalsal

    hai jis mein kashish aalam-e-fani se ziyaada

    naKHl-e-gul-e-hasti ke gul-o-barg ajab hain

    uDte hain ye auraq-e-KHizani se ziyaada

    har ruKH hai kahin apne KHad-o-KHal se bahar

    har lafz hai kuchh apne maani se ziyaada

    wo husn hai kuchh husn ke aazar se baDh kar

    wo rang hai kuchh apni nishani se ziyaada

    hum pas se tere kahan uTh aae hain ye dekh

    ab aur ho kya naql-e-makani se ziyaada

    is shab mein ho girya koi tariki se gahra

    ho koi mahak raat-ki-rani se ziyaada

    hum kunj-e-tamanna mein rahenge ki abhi tak

    hai yaad teri yaad-dahani se ziyaada

    ab aisa zubun bhi to nahin haal hamara

    hai zaKHm ayan dard-e-nihani se ziyaada

    Source:

    Gaflat ke barabar (Pg. 71)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now