رہبرو بولو ماجرا کیا ہے
رہبرو بولو ماجرا کیا ہے
یہ فسادوں کا سلسلہ کیا ہے
صدق دل سے اگر نہ ہو عابد
ان دعاؤں کا آسرا کیا ہے
کچھ سمجھ میں مری نہیں آتا
دل لگانے سے فائدہ کیا ہے
ٹھوکریں گردشیں غم و آلام
اور تقدیر میں لکھا کیا ہے
جی تو یہ چاہتا ہے مر جائیں
زندگی اب تری رضا کیا ہے
عشق ایمان ہے مرا ناصح
دل دکھانے سے فائدہ کیا ہے
آج مغموم کیوں ہو اے تاباںؔ
کچھ تو بولو کہ ماجرا کیا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
