aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

rahe wo zikr jo lab-ha-e-atishin se chale

Waheed Akhtar

rahe wo zikr jo lab-ha-e-atishin se chale

Waheed Akhtar

MORE BYWaheed Akhtar

    rahe vo zikr jo lab-hā-e-ātishīñ se chale

    chale vo duur jo raftār-e-sātgīñ se chale

    hazāroñ saal safar kar ke phir vahīñ pahuñche

    bahut zamāna huā thā hameñ zamīñ se chale

    ḳhirad banī rahī zanjīr-e-pā-e-shauq magar

    junūñ ke jitne bhī haiñ silsile hamīñ se chale

    furāt jiit ke bhī tishna-lab rahī ġhairat

    hazār tīr-e-sitam zulm kamīñ se chale

    zamāna ek raste pe ke chhoḌegā

    ravāñ hai ek dhārā koī kahīñ se chale

    gumān-o-shak ke do-rāhe pe ham se aa ke mile

    vo qāfile jo kisī manzil-e-yaqīñ se chale

    hameñ shikast-e-harīfāñ bhī malāl rahā

    shikasta-dil jo ham us bazm-e-dil-nashīñ se chale

    tamām gumrahiyāñ dair aur haram meñ palīñ

    tamām silsilā-e-kufr ahl-e-dīñ se chale

    'vahīd' sail-e-qayāmat ne raah rokī thī

    jo ban ke ashk ham us chashm-e-nāznīñ se chale

    rahe wo zikr jo lab-ha-e-atishin se chale

    chale wo dur jo raftar-e-satgin se chale

    hazaron sal safar kar ke phir wahin pahunche

    bahut zamana hua tha hamein zamin se chale

    KHirad bani rahi zanjir-e-pa-e-shauq magar

    junun ke jitne bhi hain silsile hamin se chale

    furaat jit ke bhi tishna-lab rahi ghairat

    hazar tir-e-sitam zulm ki kamin se chale

    zamana ek hi raste pe la ke chhoDega

    rawan hai ek hi dhaara koi kahin se chale

    guman-o-shak ke do-rahe pe hum se aa ke mile

    wo qafile jo kisi manzil-e-yaqin se chale

    hamein shikast-e-harifan ka bhi malal raha

    shikasta-dil jo hum us bazm-e-dil-nashin se chale

    tamam gumrahiyan dair aur haram mein palin

    tamam silsila-e-kufr ahl-e-din se chale

    'wahid' sail-e-qayamat ne rah roki thi

    jo ban ke ashk hum us chashm-e-naznin se chale

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now