rakha sar par jo aaya yar ka KHat
rakhā sar par jo aayā yaar kā ḳhat
gayā sab dard-e-sar kyā thā davā ḳhat
diyā ḳhat aur huuñ qāsid ke pīchhe
huā tāsīr meñ kyā kahrubā ḳhat
vahīñ qāsid ke muñh par pheñk maarā
diyā qāsid ne jab jā kar mirā ḳhat
hai lāzim haal ḳhairiyyat kā likhnā
kabhī to bhej o nā-āshnā ḳhat
rahā mamnūn kāġhaz-sāz kā maiñ
sunā degā use sab mājrā ḳhat
patā miltā nahīñ us be-nishāñ kā
liye phirtā hai qāsid jā-ba-jā ḳhat
rahī hasrat ye saarī 'umr 'bahrām'
na mujh ko yaar ne hargiz likhā ḳhat
rakha sar par jo aaya yar ka KHat
gaya sab dard-e-sar kya tha dawa KHat
diya KHat aur hun qasid ke pichhe
hua tasir mein kya kahruba KHat
wahin qasid ke munh par phenk mara
diya qasid ne jab ja kar mera KHat
hai lazim haal KHairiyyat ka likhna
kabhi to bhej o na-ashna KHat
raha mamnun kaghaz-saz ka main
suna dega use sab majra KHat
pata milta nahin us be-nishan ka
liye phirta hai qasid ja-ba-ja KHat
rahi hasrat ye sari 'umr 'bahram'
na mujh ko yar ne hargiz likha KHat
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
