aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

raushan jamal-e-yar se hai anjuman tamam

Hasrat Mohani

raushan jamal-e-yar se hai anjuman tamam

Hasrat Mohani

MORE BYHasrat Mohani

    raushan jamāl-e-yār se hai anjuman tamām

    dahkā huā hai ātish-e-gul se chaman tamām

    hairat ġhurūr-e-husn se shoḳhī se iztirāb

    dil ne bhī tere siikh liye haiñ chalan tamām

    allāh-rī jism-e-yār ḳhūbī ki ḳhud-ba-ḳhud

    rangīniyoñ meñ Duub gayā pairahan tamām

    dil ḳhuun ho chukā hai jigar ho chukā hai ḳhaak

    baaqī huuñ maiñ mujhe bhī kar ai teġh-zan tamām

    dekho to chashm-e-yār jādū-nigāhiyāñ

    behosh ik nazar meñ huī anjuman tamām

    hai nāz-e-husn se jo farozāñ jabīn-e-yār

    labrez āb-e-nūr hai chāh-e-zaqan tamām

    nashv-o-numā-e-sabza-o-gul se bahār meñ

    shādābiyoñ ne gher liyā hai chaman tamām

    us nāznīñ ne jab se kiyā hai vahāñ qayām

    gulzār ban ga.ī hai zamīn-e-dakan tamām

    achchhā hai ahl-e-jaur kiye jaa.eñ saḳhtiyāñ

    phailegī yuuñ shorish-e-hubb-e-vatan tamām

    samjhe haiñ ahl-e-sharq ko shāyad qarīb-e-marg

    maġhrib ke yuuñ haiñ jam.a ye zaaġh o zaġhan tamām

    shīrīni-e-nasīm hai soz-o-gudāz-e-'mīr'

    'hasrat' tire suḳhan pe hai lutf-e-suḳhan tamām

    raushan jamal-e-yar se hai anjuman tamam

    dahka hua hai aatish-e-gul se chaman tamam

    hairat ghurur-e-husn se shoKHi se iztirab

    dil ne bhi tere sikh liye hain chalan tamam

    allah-ri jism-e-yar ki KHubi ki KHud-ba-KHud

    ranginiyon mein Dub gaya pairahan tamam

    dil KHun ho chuka hai jigar ho chuka hai KHak

    baqi hun main mujhe bhi kar ai tegh-zan tamam

    dekho to chashm-e-yar ki jadu-nigahiyan

    behosh ek nazar mein hui anjuman tamam

    hai naz-e-husn se jo farozan jabin-e-yar

    labrez aab-e-nur hai chah-e-zaqan tamam

    nashw-o-numa-e-sabza-o-gul se bahaar mein

    shadabiyon ne gher liya hai chaman tamam

    us naznin ne jab se kiya hai wahan qayam

    gulzar ban gai hai zamin-e-dakan tamam

    achchha hai ahl-e-jaur kiye jaen saKHtiyan

    phailegi yun hi shorish-e-hubb-e-watan tamam

    samjhe hain ahl-e-sharq ko shayad qarib-e-marg

    maghrib ke yun hain jama ye zagh o zaghan tamam

    shirini-e-nasim hai soz-o-gudaz-e-'mir'

    'hasrat' tere suKHan pe hai lutf-e-suKHan tamam

    Videos
    This video is playing from YouTube

    Videos
    This video is playing from YouTube

    Abida Parveen

    Abida Parveen

    Mehdi Hasan

    Mehdi Hasan

    Jagjit Singh

    Jagjit Singh

    RECITATIONS

    Nomaan Shauque

    Nomaan Shauque,

    Nomaan Shauque

    raushan jamal-e-yar se hai anjuman tamam Nomaan Shauque

    Source:

    Intikhab-e-Kalam-e-Hasrat Mohani (Pg. 106)

    • Author: Hasrat Mohani
      • Publisher: Anjuman Taraqqi Urdu (Hind), Delhi
      • Year of Publication: 1995

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now