raushni si kabhi kabhi dil mein
raushnī sī kabhī kabhī dil meñ
manzil-e-be-nishāñ se aatī hai
lauT kar nuur kī kiran jaise
safar-e-lā-makāñ se aatī hai
nau-e-insāñ hai gosh-bar-āvāz
kyā ḳhabar kis jahāñ se aatī hai
apnī fariyād bāzgasht na ho
ik sadā āsmāñ se aatī hai
taḳhta-e-dār hai ki taḳhta-e-gul
bū-e-ḳhūñ gulsitāñ se aatī hai
dil se aatī hai baat lab pe 'hafīz'
baat dil meñ kahāñ se aatī hai
raushni si kabhi kabhi dil mein
manzil-e-be-nishan se aati hai
lauT kar nur ki kiran jaise
safar-e-la-makan se aati hai
nau-e-insan hai gosh-bar-awaz
kya KHabar kis jahan se aati hai
apni fariyaad bazgasht na ho
ek sada aasman se aati hai
taKHta-e-dar hai ki taKHta-e-gul
bu-e-KHun gulsitan se aati hai
dil se aati hai baat lab pe 'hafiz'
baat dil mein kahan se aati hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
