roz dil mein hasraton ko jalta bujhta dekh kar

Khushbir Singh Shaad

roz dil mein hasraton ko jalta bujhta dekh kar

Khushbir Singh Shaad

MORE BYKhushbir Singh Shaad

    roz dil meñ hasratoñ ko jaltā bujhtā dekh kar

    thak chukā huuñ zindagī ye ravayya dekh kar

    reza reza kar diyā jis ne mire ehsās ko

    kis qadar hairān hai vo mujh ko yakjā dekh kar

    kyā yahī mahdūd paikar haqīqat hai mirī

    sochtā huuñ din Dhale ab apnā saaya dekh kar

    kuchh talab meñ bhī izāfa kartī haiñ mahrūmiyāñ

    pyaas ehsās baḌh jaatā hai sahrā dekh kar

    mere ḳhvāboñ par bhī us ne naam apnā likh liyā

    ab bhī kyuuñ ḳhāmosh huuñ maiñ ye tamāshā dekh kar

    sach to ye hai sab ko apnī jaan pyārī hai yahāñ

    uḌ ga.e saare parinde peḌ kaTtā dekh kar

    'shād' jaane rahe ho kaun duniyā meñ tum

    duniyā duniyā kar rahe ho ab bhī duniyā dekh kar

    roz dil mein hasraton ko jalta bujhta dekh kar

    thak chuka hun zindagi ka ye rawayya dekh kar

    reza reza kar diya jis ne mere ehsas ko

    kis qadar hairan hai wo mujh ko yakja dekh kar

    kya yahi mahdud paikar hi haqiqat hai meri

    sochta hun din Dhale ab apna saya dekh kar

    kuchh talab mein bhi izafa karti hain mahrumiyan

    pyas ka ehsas baDh jata hai sahra dekh kar

    mere KHwabon par bhi us ne nam apna likh liya

    ab bhi kyun KHamosh hun main ye tamasha dekh kar

    sach to ye hai sab ko apni jaan pyari hai yahan

    uD gae sare parinde peD kaTta dekh kar

    'shad' jaane ji rahe ho kaun si duniya mein tum

    duniya duniya kar rahe ho ab bhi duniya dekh kar

    Source :
    • Book : Bekhwabiyan (Pg. 2)
    • Author : Khushbir Singh Shaad
    • Publication : Navneet Printers (2007)
    • Edition : 2007
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY