ruh afsurda tabiat meri gham-kosh hui

ruuh afsurda tabī.at mirī ġham-kosh huī

zindagī apne hī mātam meñ siyah-posh huī

fikr-e-fardā huī yā fikr-e-ġham-e-dosh huī

terī yaad aa.ī ki har baat farāmosh huī

sohbat-e-shaiḳh huī sohbat-e-mai-nosh huī

josh meñ ruuh na phir aa.ī jo mad.hosh huī

zindagī un ke fasānoñ se bhī uktā sī ga.ī

jo thī sar-tā-ba-qadam gosh girāñ-gosh huī

jaane kyā mahfil-e-parvāna meñ dekhā us ne

phir zabāñ khul na sakī sham.a jo ḳhāmosh huī

ruh afsurda tabiat meri gham-kosh hui

zindagi apne hi matam mein siyah-posh hui

fikr-e-farda hui ya fikr-e-gham-e-dosh hui

teri yaad aai ki har baat faramosh hui

sohbat-e-shaiKH hui sohbat-e-mai-nosh hui

josh mein ruh na phir aai jo madhosh hui

zindagi un ke fasanon se bhi ukta si gai

jo thi sar-ta-ba-qadam gosh giran-gosh hui

jaane kya mahfil-e-parwana mein dekha us ne

phir zaban khul na saki shama jo KHamosh hui