samne jab koi bharpur jawani aae
sāmne jab koī bharpūr javānī aa.e
phir tabī.at meñ mirī kyuuñ na ravānī aa.e
koī pyāsā bhī kabhī us kī taraf ruḳh na kare
kisī dariyā ko agar pyaas bujhānī aa.e
maiñ ne hasrat se nazar bhar ke use dekh liyā
jab samajh meñ na mohabbat ke ma.ānī aa.e
us kī ḳhushbū se kabhī merā bhī āñgan mahke
mere ghar meñ bhī kabhī raat kī raanī aa.e
zindagī bhar mujhe is baat kī hasrat hī rahī
din guzārūñ to koī raat suhānī aa.e
zahr bhī ho to vo tiryāq samajh kar pī le
kisī pyāse ke agar sāmne paanī aa.e
ain mumkin hai koī TuuT ke chāhe 'sāqī'
kabhī ek baar palaT kar to javānī aa.e
samne jab koi bharpur jawani aae
phir tabiat mein meri kyun na rawani aae
koi pyasa bhi kabhi us ki taraf ruKH na kare
kisi dariya ko agar pyas bujhani aae
main ne hasrat se nazar bhar ke use dekh liya
jab samajh mein na mohabbat ke maani aae
us ki KHushbu se kabhi mera bhi aangan mahke
mere ghar mein bhi kabhi raat ki rani aae
zindagi bhar mujhe is baat ki hasrat hi rahi
din guzarun to koi raat suhani aae
zahr bhi ho to wo tiryaq samajh kar pi le
kisi pyase ke agar samne pani aae
ain mumkin hai koi TuT ke chahe 'saqi'
kabhi ek bar palaT kar to jawani aae
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
