sab tarah ke haalat ko imkan mein rakkha
sab tarah ke hālāt ko imkān meñ rakkhā
har lamha use soch meñ vijdān meñ rakkhā
hijrat kī ghaḌī ham ne tire ḳhat ke alāva
bosīda kitāboñ ko bhī sāmān meñ rakkhā
mujh ko mirī qāmat ke mutābiq bhī jagah dī
ye phuul uThā kar kabhī gul-dān meñ rakkhā?
ik umr guzārī na.e āhañg se lekin
ajdād kī aqdār ko bhī dhyān meñ rakkhā
ik roz siyah raat hathelī pe sajā kar
sahrā ne qadam ḳhitta-e-gunjān meñ rakkhā
hoñToñ ko sadā rakkhā tabassum se ibārat
ik zahr-bujhā tiir bhī muskān meñ rakkhā
sab tarah ke haalat ko imkan mein rakkha
har lamha use soch mein wijdan mein rakkha
hijrat ki ghaDi hum ne tere KHat ke alawa
bosida kitabon ko bhi saman mein rakkha
mujh ko meri qamat ke mutabiq bhi jagah di
ye phul uTha kar kabhi gul-dan mein rakkha?
ek umr guzari nae aahang se lekin
ajdad ki aqdar ko bhi dhyan mein rakkha
ek roz siyah raat hatheli pe saja kar
sahra ne qadam KHitta-e-gunjaan mein rakkha
honTon ko sada rakkha tabassum se ibarat
ek zahr-bujha tir bhi muskan mein rakkha
- Book : Beesveen Sadi Ki Behtareen Ishqiya Ghazlen (Pg. 43)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
