sadaqaton ke payambar gae rasul gae

sadāqatoñ ke payambar ga.e rasūl ga.e

ḳhudī kī hurmat-e-afzal ga.ī usuul ga.e

jo bul-havas the sar-e-ām dandanāte rahe

jo haq-parast the sab phāñsiyoñ pe jhuul ga.e

gilā faqat hai ye zāhid kī pārsā.ī se

zarā sā vaqt paḌā un ke sab usuul ga.e

ḳhizar se ham bhī milā kar qadam chale the magar

masāfatoñ kī tavālat se saañs phuul ga.e

tumhāre jaane se har ik kalī kā rañg uḌā

chaman se fasl-e-bahārāñ ga.ī to phuul ga.e

rah-e-hayāt meñ lākhoñ the ham-safar 'ejāz'

kisī ko yaad rakhā aur kisī ko bhuul ga.e

sadaqaton ke payambar gae rasul gae

KHudi ki hurmat-e-afzal gai usul gae

jo bul-hawas the sar-e-am dandanate rahe

jo haq-parast the sab phansiyon pe jhul gae

gila faqat hai ye zahid ki parsai se

zara sa waqt paDa un ke sab usul gae

KHizar se hum bhi mila kar qadam chale the magar

masafaton ki tawalat se sans phul gae

tumhaare jaane se har ek kali ka rang uDa

chaman se fasl-e-bahaaran gai to phul gae

rah-e-hayat mein lakhon the ham-safar 'ejaz'

kisi ko yaad rakha aur kisi ko bhul gae