safar hai zehn ka to koi rahnuma le ja

safar hai zehn kā to koī rahnumā le jā

mirā sukūt na ho to marī sadā le jā

har ek samt hai dasht-e-sukūt kī vus.at

bachā ke ye ravish-e-arz-e-mudda.ā le jā

maiñ zer-e-sañg isī tīrgī meñ jī lūñgā

tū apnī narm shuāoñ kā qāfila le jā

kuchh aur chaaT le sahrā-e-gumrahī kā namak

jo aa gayā hai tū rāhoñ kā zā.iqa le jā

bikhar ke chhūT na jā.ūñ tirī giraft se maiñ

sambhāl kar mujhe ai mauj-e-ḳhush-adā le jā

safar hai zehn ka to koi rahnuma le ja

mera sukut na ho to mari sada le ja

har ek samt hai dasht-e-sukut ki wusat

bacha ke ye rawish-e-arz-e-muddaa le ja

main zer-e-sang isi tirgi mein ji lunga

tu apni narm shuaon ka qafila le ja

kuchh aur chaT le sahra-e-gumrahi ka namak

jo aa gaya hai tu rahon ka zaiqa le ja

bikhar ke chhuT na jaun teri giraft se main

sambhaal kar mujhe ai mauj-e-KHush-ada le ja