صحرائے لا حدود میں تشنہ لبی کی خیر
صحرائے لا حدود میں تشنہ لبی کی خیر
ماحول اشک بار میں لب کی ہنسی کی خیر
لفاظ سارے بن گئے شاہ سخن یہاں
صادق سخن وروں کی سخن پروری کی خیر
مشرق میں ہندو و چین کے بازار یوں بڑھے
جاہ و جلال مغرب و برطانوی کی خیر
ہے عورتوں کی دھوم زمیں سے فلک تلک
سعیٔ بقائے شوکت مردانگی کی خیر
ارزاں ہے مشت خاک سے انسان کی حیات
تہذیب قتل و خون میں اب زندگی کی خیر
ہر سمت قتل عام ہے مذہب کے نام پر
ساری عقیدتوں کی خدا پروری کی خیر
جمہوریت کی لاش پہ طاقت ہے خندہ زن
اس برہنہ نظام میں ہر آدمی کی خیر
سارا وطن سمجھ چکا دیر و حرم کا سچ
بد کار رہبران کی بازی گری کی خیر
اردو غزل کے نام پہ چلتے ہیں چٹکلے
غالب کے فیض میرؔ کی اس ساحری کی خیر
مغرب سے آ گئی یہاں تہذیب برہنہ
مشرق تری روایتی پاکیزگی کی خیر
اندھے پرکھ رہے یہاں معیار روشنی
دیدہ ور ہنر تری دیدہ وری کی خیر
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
