sajde jabin-e-shauq ke ab raegan nahin

sajde jabīn-e-shauq ke ab rā.egāñ nahīñ

tū be-hijāb anjuman-ārā kahāñ nahīñ

maiñ mīr-e-kārvāñ huuñ pas-e-kārvāñ nahīñ

hāthoñ meñ mere dāman-e-manzil kahāñ nahīñ

maujūdgi-e-jannat-o-dozaḳh se hai ayaañ

rahmat hai ek bahr magar be-karāñ nahīñ

chāhe hijāb meñ raho to chāhe be-hijāb

ham tum hī to haiñ aur koī darmiyāñ nahīñ

barq-e-jamāl-e-dost na ho is pe shola zan

terā bhī ghar hai sirf mirā āshiyāñ nahīñ

dilchaspiyāñ bahut sī haiñ is iḳhtisār meñ

kuchh ġham nahīñ shabāb agar jāvedāñ nahīñ

sākit falak ko muft meñ zālim banā diyā

gardish meñ hai zamīn faqat āsmāñ nahīñ

nākām-tar haiñ merī shikasta-nasībiyāñ

'maḳhmūr' sirf ziist hī nā-kāmrāñ nahīñ

sajde jabin-e-shauq ke ab raegan nahin

tu be-hijab anjuman-ara kahan nahin

main mir-e-karwan hun pas-e-karwan nahin

hathon mein mere daman-e-manzil kahan nahin

maujudgi-e-jannat-o-dozaKH se hai ayan

rahmat hai ek bahr magar be-karan nahin

chahe hijab mein raho to chahe be-hijab

hum tum hi to hain aur koi darmiyan nahin

barq-e-jamal-e-dost na ho is pe shola zan

tera bhi ghar hai sirf mera aashiyan nahin

dilchaspiyan bahut si hain is iKHtisar mein

kuchh gham nahin shabab agar jawedan nahin

sakit falak ko muft mein zalim bana diya

gardish mein hai zamin faqat aasman nahin

nakaam-tar hain meri shikasta-nasibiyan

'maKHmur' sirf zist hi na-kaamran nahin