sar jis pe na jhuk jae use dar nahin kahte

Bismil Saeedi

sar jis pe na jhuk jae use dar nahin kahte

Bismil Saeedi

MORE BYBismil Saeedi

    sar jis pe na jhuk jaa.e use dar nahīñ kahte

    har dar pe jo jhuk jaa.e use sar nahīñ kahte

    kyā ahl-e-jahāñ tujh ko sitamgar nahīñ kahte

    kahte to haiñ lekin tire muñh par nahīñ kahte

    ka.abe meñ musalmān ko kah dete haiñ kāfir

    but-ḳhāne meñ kāfir ko bhī kāfir nahīñ kahte

    rindoñ ko Darā sakte haiñ kyā hazrat-e-vā.iz

    jo kahte haiñ allāh se Dar kar nahīñ kahte

    har baar na.e shauq se hai arz-e-tamannā

    sau baar bhī ham kah ke mukarrar nahīñ kahte

    mai-ḳhāne ke andar bhī vo kahte nahīñ mai-ḳhvār

    jo baat ki mai-ḳhāne ke bāhar nahīñ kahte

    kahte haiñ mohabbat faqat us haal ko 'bismil'

    jis haal ko ham un se bhī aksar nahīñ kahte

    sar jis pe na jhuk jae use dar nahin kahte

    har dar pe jo jhuk jae use sar nahin kahte

    kya ahl-e-jahan tujh ko sitamgar nahin kahte

    kahte to hain lekin tere munh par nahin kahte

    kabe mein musalman ko kah dete hain kafir

    but-KHane mein kafir ko bhi kafir nahin kahte

    rindon ko Dara sakte hain kya hazrat-e-waiz

    jo kahte hain allah se Dar kar nahin kahte

    har bar nae shauq se hai arz-e-tamanna

    sau bar bhi hum kah ke mukarrar nahin kahte

    mai-KHane ke andar bhi wo kahte nahin mai-KHwar

    jo baat ki mai-KHane ke bahar nahin kahte

    kahte hain mohabbat faqat us haal ko 'bismil'

    jis haal ko hum un se bhi aksar nahin kahte

    RECITATIONS

    Nomaan Shauque

    Nomaan Shauque

    Nomaan Shauque

    sar jis pe na jhuk jae use dar nahin kahte Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY