shabab-e-husn hai barq-o-sharar ki manzil hai

shabāb-e-husn hai barq-o-sharar kī manzil hai

ye āzmā.ish-e-qalb-o-nazar kī manzil hai

savād-e-shams-o-qamar bhī bashar kī manzil hai

abhī to parvarish-e-bāl-o-par kī manzil hai

ye mai-kada hai kalīsā o ḳhānqāh nahīñ

urūj-e-fikr o faroġh-e-nazar kī manzil hai

hameñ to raas hī aa.ī fuġhāñ kī be-asarī

magar batāo to koī asar kī manzil hai

vo rahbari-e-janāb-e-ḳhizar kī manzil thī

ye rahnumā.i-e-fikr-e-bashar kī manzil hai

ye raaz pā na sake sāhibān-e-hosh-o-ḳhirad

junūñ bhī ik nigah-e-parda-dar kī manzil hai

qayām shāmil-e-mashq-e-ḳhirām hai 'tābāñ'

safar kā tark bhī goyā safar kī manzil hai

shabab-e-husn hai barq-o-sharar ki manzil hai

ye aazmaish-e-qalb-o-nazar ki manzil hai

sawad-e-shams-o-qamar bhi bashar ki manzil hai

abhi to parwarish-e-baal-o-par ki manzil hai

ye mai-kada hai kalisa o KHanqah nahin

uruj-e-fikr o farogh-e-nazar ki manzil hai

hamein to ras hi aai fughan ki be-asari

magar batao to koi asar ki manzil hai

wo rahbari-e-janab-e-KHizar ki manzil thi

ye rahnumai-e-fikr-e-bashar ki manzil hai

ye raaz pa na sake sahiban-e-hosh-o-KHirad

junun bhi ek nigah-e-parda-dar ki manzil hai

qayam shamil-e-mashq-e-KHiram hai 'taban'

safar ka tark bhi goya safar ki manzil hai