shahidon ka tere shohra zamin se aasman tak hai

shahīdoñ kā tire shohra zamīñ se āsmāñ tak hai

falak se balki aage baḌh ke tere āstāñ tak hai

jamāl-e-jāñ-fizā kā un ke dilkash dil-rubā jalva

zamīñ se āsmāñ tak hai makāñ se lā-makāñ tak hai

raheñ sab mutma.in gulshan meñ apne āshiyānoñ se

ki jaulāñ-gāh bijlī kī hamāre āshiyāñ tak hai

nasīhat par amal ḳhud bhī to karnā chāhiye vaa.iz

asar kyā ho ki terā va.az to nok-e-zabāñ tak hai

musalmānī faqat tasbīh-ḳhvānī hī nahīñ hamdam

musalmānī kā lambā haath shamshīr-o-sināñ tak hai

buḌhāpā fikr par aa.e to nakbat saath aatī hai

taraqqī aur azmat qaum kī fikr-e-javāñ tak hai

faqat duniyā hī us kī guuñj kā halqa nahīñ hargiz

tirī hamd-o-sanā kī guuñj gulzār-e-jināñ tak hai

maiñ huuñ paiġhām-e-haq islām merā nām-e-nāmī hai

jahāñ tak hai ye duniyā merā halqa bhī vahāñ tak hai

vahī alfāz haiñ mauzūñ agar hoñ sher hote meñ

haqīqat shā.irī ke fan kī bas husn-e-bayāñ tak hai

tavīl itnī hai zanjīr-e-asīrī is zamāne meñ

ki hāzir qaid-ḳhāne meñ ‘urūj’-e-nā-tavāñ tak hai

shahidon ka tere shohra zamin se aasman tak hai

falak se balki aage baDh ke tere aastan tak hai

jamal-e-jaan-fiza ka un ke dilkash dil-ruba jalwa

zamin se aasman tak hai makan se la-makan tak hai

rahen sab mutmain gulshan mein apne aashiyanon se

ki jaulan-gah bijli ki hamare aashiyan tak hai

nasihat par amal KHud bhi to karna chahiye waiz

asar kya ho ki tera waz to nok-e-zaban tak hai

musalmani faqat tasbih-KHwani hi nahin hamdam

musalmani ka lamba hath shamshir-o-sinan tak hai

buDhapa fikr par aae to nakbat sath aati hai

taraqqi aur azmat qaum ki fikr-e-jawan tak hai

faqat duniya hi us ki gunj ka halqa nahin hargiz

teri hamd-o-sana ki gunj gulzar-e-jinan tak hai

main hun paigham-e-haq islam mera nam-e-nami hai

jahan tak hai ye duniya mera halqa bhi wahan tak hai

wahi alfaz hain mauzun agar hon sher hote mein

haqiqat shairi ke fan ki bas husn-e-bayan tak hai

tawil itni hai zanjir-e-asiri is zamane mein

ki hazir qaid-KHane mein ‘uruj’-e-na-tawan tak hai