sham-e-ummid jala baiThe the

sham-e-ummīd jalā baiThe the

dil meñ ḳhud aag lagā baiThe the

hosh aayā to kahīñ kuchh bhī na thā

ham bhī kis bazm meñ jā baiThe the

dasht gulzār huā jaatā hai

kyā yahāñ ahl-e-vafā baiThe the

ab vahāñ hashr uThā karte haiñ

kal jahāñ ahl-e-vafā baiThe the

sham-e-ummid jala baiThe the

dil mein KHud aag laga baiThe the

hosh aaya to kahin kuchh bhi na tha

hum bhi kis bazm mein ja baiThe the

dasht gulzar hua jata hai

kya yahan ahl-e-wafa baiThe the

ab wahan hashr uTha karte hain

kal jahan ahl-e-wafa baiThe the