suKHan ko be-hisi ki qaid se bahar nikalun
suḳhan ko be-hisī kī qaid se bāhar nikālūñ
tumhārī diid kā koī nayā manzar nikālūñ
ye be-masraf sī shai har gaam aaḌe aane vaalī
anā kī keñchulī ko jism se bāhar nikālūñ
tilismī mārke kahte haiñ ab sar ho chuke haiñ
zarā zambīl ke kone se maiñ bhī sar nikālūñ
lahū mahkā to saarā shahr pāgal ho gayā hai
maiñ kis saf se uThūñ kis ke liye ḳhanjar nikālūñ
bas ab to munjamid zehnoñ kī 'yāvar' barf pighle
kahāñ tak apnī istedād ke jauhar nikālūñ
suKHan ko be-hisi ki qaid se bahar nikalun
tumhaari did ka koi naya manzar nikalun
ye be-masraf si shai har gam aaDe aane wali
ana ki kenchuli ko jism se bahar nikalun
tilismi marke kahte hain ab sar ho chuke hain
zara zambil ke kone se main bhi sar nikalun
lahu mahka to sara shahr pagal ho gaya hai
main kis saf se uThun kis ke liye KHanjar nikalun
bas ab to munjamid zehnon ki 'yawar' barf pighle
kahan tak apni istedad ke jauhar nikalun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
