aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tajjub ye nahin hai gham ke maron ko na chain aaya

kanval Dibaivi

tajjub ye nahin hai gham ke maron ko na chain aaya

kanval Dibaivi

MORE BYkanval Dibaivi

    ta.ajjub ye nahīñ hai ġham ke māroñ ko na chain aayā

    taḌapnā dekh kar merā sitāroñ ko na chain aayā

    baḌhī be-tābi-e-dil jab to bahne lage aañsū

    mire ham-rāh in pinhāñ sitāroñ ko na chain aayā

    rahe gardish meñ saarī raat merī be-qarārī par

    baḌe hamdard nikle chāñd tāroñ ko na chain aayā

    hamāre āshiyāñ tak baat rah jaatī to achchhā thā

    jalā jab tak na sab gulshan sharāroñ ko na chain aayā

    koī be-ḳhud huā be-tāb ho kar rah gayā koī

    naqāb-e-husn uThne par hazāroñ ko na chain aayā

    zamāne ke taġhayyur ne kiyā barbād gulshan ko

    ḳhizāoñ ko na chain aayā bahāroñ ko na chain aayā

    thapeḌe un ko bhī khāne paḌe amvāj tūfāñ ke

    mirī kashtī ke baa.is kināroñ ko na chain aayā

    ġham-e-daurāñ ġham-e-jānāñ ġham-e-uqbā ġham-e-duniyā

    'kañval' is zindagī meñ ġham ke māroñ ko na chain aayā

    tajjub ye nahin hai gham ke maron ko na chain aaya

    taDapna dekh kar mera sitaron ko na chain aaya

    baDhi be-tabi-e-dil jab to bahne hi lage aansu

    mere ham-rah in pinhan sitaron ko na chain aaya

    rahe gardish mein sari raat meri be-qarari par

    baDe hamdard nikle chand taron ko na chain aaya

    hamare aashiyan tak baat rah jati to achchha tha

    jala jab tak na sab gulshan shararon ko na chain aaya

    koi be-KHud hua be-tab ho kar rah gaya koi

    naqab-e-husn uThne par hazaron ko na chain aaya

    zamane ke taghayyur ne kiya barbaad gulshan ko

    KHizaon ko na chain aaya bahaaron ko na chain aaya

    thapeDe un ko bhi khane paDe amwaj tufan ke

    meri kashti ke bais hi kinaron ko na chain aaya

    gham-e-dauran gham-e-jaanan gham-e-uqba gham-e-duniya

    'kanwal' is zindagi mein gham ke maron ko na chain aaya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now