tamam KHushk dayaron ko aab deta tha

tamām ḳhushk dayāroñ ko aab detā thā

hamārā dil bhī kabhī āsmān jaisā thā

ajiib lagtī hai mehnat-kashoñ kī bad-halī

yahāñ talak to muqaddar ko haar jaanā thā

na.e safar kā har ik moḌ bhī nayā thā magar

har ek moḌ pe koī sadā.eñ detā thā

baġhair pūchhe mire sar meñ bhar diyā maz.hab

maiñ roktā bhī to kaise ki maiñ to bachcha thā

koī bhī shakl ubharnā muhāl thā yaaro

hamāre saaye ke uupar shajar kā saaya thā

tamām umr ḳhud apne pe zulm dhāte rahe

mohabbatoñ kā asar thā ki koī nashsha thā

baḌā sukūn milā us se baat kar ke hameñ

vo shaḳhs jaise kisī jhiil kā kināra thā

bas ek vaar meñ duniyā ne kar diye TukḌe

mirī tarah se mirā ishq bhī nihattā thā

alāva is ke mujhe aur kuchh malāl nahīñ

vo maan jā.egā is baat kā bharosa thā

tamam KHushk dayaron ko aab deta tha

hamara dil bhi kabhi aasman jaisa tha

ajib lagti hai mehnat-kashon ki bad-hali

yahan talak to muqaddar ko haar jaana tha

nae safar ka har ek moD bhi naya tha magar

har ek moD pe koi sadaen deta tha

baghair puchhe mere sar mein bhar diya mazhab

main rokta bhi to kaise ki main to bachcha tha

koi bhi shakl ubharna muhaal tha yaro

hamare saye ke upar shajar ka saya tha

tamam umr KHud apne pe zulm dhate rahe

mohabbaton ka asar tha ki koi nashsha tha

baDa sukun mila us se baat kar ke hamein

wo shaKHs jaise kisi jhil ka kinara tha

bas ek war mein duniya ne kar diye TukDe

meri tarah se mera ishq bhi nihatta tha

alawa is ke mujhe aur kuchh malal nahin

wo man jaega is baat ka bharosa tha