tamam rang jahan iltija ke rakkhe the

tamām rang jahāñ iltijā ke rakkhe the

lahū lahū vahīñ manzar anā ke rakkhe the

karam ke saath sitam bhī balā ke rakkhe the

har ek phuul ne kāñTe chhupā ke rakkhe the

sukūn chehre pe har ḳhush adā ke rakkhe the

samundaroñ ne bhī tevar chhupā ke rakkhe the

mirī ummīd kā sūraj ki terī aas kā chāñd

diye tamām hī ruḳh par havā ke rakkhe the

vo jis kī paak uḌānoñ ke mo'tarif the sab

jale hue vahī shahpar hayā ke rakkhe the

banā yazīd zamāna jo maiñ husain banā

ki zulm baaqī abhī karbalā ke rakkhe the

unhīñ ko toḌ gayā hai ḳhulūs kā chehra

jo chand aa.ine ham ne bachā ke rakkhe the

yūñhī kisī kī koī bandagī nahīñ kartā

butoñ ke chehroñ pe tevar ḳhudā ke rakkhe the

ga.e haiñ bāb-e-rasā tak vo dastakeñ ban kar

'zafar' jo haath pe aañsū du'ā ke rakkhe the

tamam rang jahan iltija ke rakkhe the

lahu lahu wahin manzar ana ke rakkhe the

karam ke sath sitam bhi bala ke rakkhe the

har ek phul ne kanTe chhupa ke rakkhe the

sukun chehre pe har KHush ada ke rakkhe the

samundaron ne bhi tewar chhupa ke rakkhe the

meri ummid ka suraj ki teri aas ka chand

diye tamam hi ruKH par hawa ke rakkhe the

wo jis ki pak uDanon ke mo'tarif the sab

jale hue wahi shahpar haya ke rakkhe the

bana yazid zamana jo main husain bana

ki zulm baqi abhi karbala ke rakkhe the

unhin ko toD gaya hai KHulus ka chehra

jo chand aaine hum ne bacha ke rakkhe the

yunhi kisi ki koi bandagi nahin karta

buton ke chehron pe tewar KHuda ke rakkhe the

gae hain bab-e-rasa tak wo dastaken ban kar

'zafar' jo hath pe aansu du'a ke rakkhe the