tan-badan se jaan hi to sirf uDa le jaegi

tan-badan se jaan hī to sirf uḌā le jā.egī

zindagī se maut aa kar aur kyā le jā.egī

jis tarah merī ḳhushī letī ga.ī vo chhīn kar

gardish-e-hālāt ye ġham bhī uThā le jā.egī

merī jis āvāz ko rahnā hai mere baad bhī

kyā zamāne kī havas us ko churā le jā.egī

kaam agar kuchh bhī na aa.egā mirā zabt-e-alam

vahshat-e-dil hī mirī hālat sañbhāle jā.egī

rang jin kā sabz hai vo kab gireñge peḌ se

dhuup kī rut zard patte hī uḌā le jā.egī

ziist ko 'nādim' usī dam hī milegā kuchh qarār

dard-e-dil se dard-e-sar kī jab davā le jā.egī

tan-badan se jaan hi to sirf uDa le jaegi

zindagi se maut aa kar aur kya le jaegi

jis tarah meri KHushi leti gai wo chhin kar

gardish-e-haalat ye gham bhi uTha le jaegi

meri jis aawaz ko rahna hai mere baad bhi

kya zamane ki hawas us ko chura le jaegi

kaam agar kuchh bhi na aaega mera zabt-e-alam

wahshat-e-dil hi meri haalat sanbhaale jaegi

rang jin ka sabz hai wo kab girenge peD se

dhup ki rut zard patte hi uDa le jaegi

zist ko 'nadim' usi dam hi milega kuchh qarar

dard-e-dil se dard-e-sar ki jab dawa le jaegi